Det første Arnaløpet såg dagens lys i 1977. Distansen var 13km med start i Londalskrysset og deretter gjekk løypa forbi Lone og oppover Langedalen. Så ned Mjeldheimskleiva til Arna Kykje og vidare opp Lakslia og gamle vegen over Espelandsmyrane til mål på Espeland idrettsplass. Dette var ei tøff løype og på grunn av nedgang i deltakartalet ville friidrettsgruppa vurdere ein lettare og meir løpsvenleg trase. Dermed blei 1983 siste gangen for Arnaløpet i den gamle løypa.
I 1984 vart den nye traseen rundt Haukelandsvatnet introdusert. All teljing over kor mange gangar ein har deltatt begynner frå og med dette året. Nye Arnaløpet blei ein stor suksess, men det tok først skikkeleg av då den korte løypa over 3,4km kom på plakaten i 1988.
I perioden 2004-2007 var det eit ekstra tilbod med naturløype utan tidtaking, men folk flest ville helst delta i den korte løypa.
