Stein Fossen 50 år

I dag 3.nov. fyller Stein Fossen 50 år. Allereie i 1993 melde han seg inn i IL Fri, slik at han kan også feire 25 års medlemskap i klubben. 

2018-11-03
Ove Leon Låstad

Foto%20Stein%20Fossen.jpg

Han er ein av dei verkeleg store eldsjelane i norsk friidrett som bidrar på mange område, det vere seg som dommar, funksjonær, tidtakar, speaker, stemneorganisator, skribent, statistikar og utøvar. I tillegg innehar han ulike verv både på klubb-, krets- og forbundsplan.

Men først og fremst markerer Stein seg som ein svært kunnskapsrik person når det gjeld statistikk, rekordar, seriar, poengsummar, meisterskapsmerittar og resultat forøvrig. Det er vel ingen som kjenner Hordalandsfriidretten betre enn han. 

Stein har gjort ein fantastisk jobb med å utarbeide årsstatistikkar, alle tiders beste statistikkar og rekordlister for IL Fri, Hordaland Friidrettskrets og Norges Friidrettsforbund. Heile aldersspekteret held Stein orden på frå rekruttar til aldersbestemte klassar for gutar og jenter, samt junior, senior og veteran.

Sidan 1989 har Stein vore leiar av serie- og statistikkutvalet i Hordaland Friidrettskrets. Det må vel vere ein aller så liten kretsrekord i antal samanhengjande år som utvalsleiar.

På alle store friidrettsarrangement i Bergen & omegn kan du rekne med å høyre stemma til Stein. Med sitt glødande engasjement og utrulege minnekapasitet om tider, lengder og høgder held han utøvarar, trenarar, arrangørstab og publikum oppdaterte på alt som skjer på indre bane i løp, hopp og kast. 

Vi er umåteleg imponerte over den innsatsen han legg ned for friidretten.

Gratulerer med dagen Stein frå alle oss i IL Fri!

Kalender

Mai
MTOTFLS
27282930123
45678910
11121314151617
18192021222324
25262728293031

Aktiviteter

Ingen aktiviteter tilgjengelig for øyeblikket